კუტუზოვი

თავადი მიხეილ გოლენიშჩევ-კუტუზოვი (1745 – 1813 წწ)

რუსი ფელდმარშალი, რომელმაც პოპულარული წარმოდგენით რუსეთი ნაპოლეონის შემოსევისგან იხსნა. 1812 წლის რუსეთის სამამულო ომის გმირი.

კუტუზოვი დაიბადა პეტერბურგში, გენერლის ოჯახში. დაამთავრა არტილერიის სკოლა. მონაწილეობა მიიღო 1768-1774 წლების რუსეთ-ოსმალეთის ომში. 1774 წელს მძიმედ დაჭრეს, რის შედეგადაც მარჯვენა თვალი დაკარგა. 1805 წელს ნაპოლეონის წინააღმდეგ ავსტრიის დასახმარებლად გაგზავნილი რუსეთის არმიის მეთაურად დაინიშნა. 1806-1812 წლების რუსეთ-ოსმალეთის და 1812-1913 წლების რუსეთ-საფრანგეთის ომებში კუტუზოვი რუსეთის არმიის მთავარსარდალი იყო. მან მალოიაროსლავეცთან ფრანგებს კალუგისაკენ მიმავალი გზა გადაუკეტა, რითაც აიძულა ნაპოლეონი გაძარცვული სმოლენსკის გზით დაეხია უკან. 1813 წელს კუტუზოვმა მონაწილეობა მიიღო პოლონეთისა და პრუსიის ტერიტირიაზე ნაპოლეონის ჯარების განადგურებაში. გარდაიცვალა გერმანიის ქალაქ ბუნცლაუში. შემდგომში იგი პეტერბურგში, ყაზანის ტაძარში გადაასვენეს.

მიღებული იქნა გერმანულ მასონურ ლოჟა სამი გასაღები (Trois clefs) 1779 წელს ქალაქ რატისბონში. იღებდა მონაწილეობას ფრანკფურტის და ბერლინის მასონური ლოჟების მუშაობებში. მას ქონდა მასონური მეტსახელი “მარადმწვანე დაფნა”. იყო შვედური მასონური სისტემის უმაღლეს გრადუსში.